පුරාණ තාක්ෂණ කෞතුකාගාරය නිරීක්ෂණය
ශ්‍රී ලංකා බෞද්ධ හා පාලි විශ්වවිද්‍යාලයේ පුරාවිද්‍යා අධ්‍යයන අංශයේ දෙවන හා තෙවන වසර ශිෂ්‍ය කණ්ඩායම විසින් 2021/12/13 සහ 14 දෙදින පොළොන්නරුව පුරාණ තාක්ෂණ කෞතුකාගාරය නිරීක්ෂණය කරන ලදි. එහිදී පොළොන්නරු ඉතිහාසය, ප්‍රාග් හා පූර්ව ඵෙතිහාසික යුගයේ තාක්ෂණය, මැටි, ලෝහ, කෘෂිකාර්මික, වාරි, වාස්තුවිද්‍යා, වෛද්‍ය හා සනීපාරක්ෂක කටයුතු පිළිබඳ තාක්ෂණය, මහාමාර්ග, සිතුවම්, දැව, මූර්ති,නාවික, ගණිත මිණුම්, රෙදිපිළි, ලේඛන, 3D මුද්‍රණ, LIDAR, Virtual Reality තාක්ෂණය හා Augment Reality තාක්ෂණය පිළිබඳව අධ්‍යයනය කෙරිණි.
ශ්‍රී ලංකාවේ පුරාණ කාසි භාවිතය, පැරණි පොළොන්නරු නගරයේ සැලසුම්කරණය හා පුරාණ තාක්ෂණ කෞතුකාගාරයේ ව්‍යුහය හා ක්‍රියාකාරිත්වය පිළිබඳ දේශන කිහිපයකට සහභාගිවීමට ද අවස්ථාව සැලසුණි. මෙම අධ්‍යයන කටයුතු සඳහා සහාය දැක්වූ කෞතුකාගාර දෙපාර්තමේන්තුවේ අධ්‍යක්ෂ ජනරාල් සනූජා කස්තුරිආරච්චි මහත්මිය, පුරාණ තාක්ෂණ කෞතුකාගාර අධිකාරි ඉෂංඛ ලක්මාල් මහතා ඇතුළු අධ්‍යයන ප්‍රවර්ධන අංශයේ නිලධාරීන්ට ශ්‍රී ලංකා බෞද්ධ හා පාලි විශ්වවිද්‍යාලයේ විශේෂ ස්තුතිය පිරිනැමේ.
අංශාධිපති,
ජ්‍යෙෂ්ඨ කථිකාචාර්ය පූජ්‍ය බැරගම සද්ධානන්ද හිමි, පුරාවිද්‍යා අධ්‍යයන අංශය.
තවත් ඡායාරූප: https://www.facebook.com/bpusrilanka/posts/2640347496110606
