පුරාවිද්‍යා ශික්ෂණ කෞතුකාගාරය සඳහා ඛනිජ එකතුවක් ලබා ගැනීම
මාතලේ භූ විද්‍යා සමීක්ෂණ හා පතල් කාර්යාංශයේ ප්‍රාදේශීය කැණිීම් ඉංජිනේරු ඒ.එම්.එච්.වී. අධිකාරි මහතා සහ මැණික් හා ස්වර්ණාභරණ අධිකාරියේ නාවුල ප්‍රාදේශීය කළමනාකරු එම්.බී.එන්.එස්. මූණමල්පේ මහතාගේ මූලිකත්වයෙන් 2023.05.09 දින ශ්‍රී ලංකා බෞද්ධ හා පාලි විශ්වවිද්‍යාලයේ ශික්ෂණ කෞතුකාගාරය සඳහා ඛනිජ එකතුවක් පරිත්‍යාග කෙරිණි.
එම අවස්ථාවට ශ්‍රී ලංකා බෞද්ධ හා පාලි විශ්වවිද්‍යාලයේ පුරාවිද්‍යා අධ්‍යයනාංශයේ අංශාධිපති, ජ්‍යෙෂ්ඨ කථිකාචාර්ය පූජ්‍ය බැරගම සද්ධානන්ද හිමි, ආචාර්ය ඉෂංඛ මල්සිරි මහතා, බාහිර කථිකාචාර්ය පූජ්‍ය ගම්මහේගේවැව අමිත හිමි සහභාගි වූහ. ඛනිජ එකතුව ලබා දීමට කටයුතු කළ ප්‍රාදේශීය කැණීම් ඉංජිනේරු ඒ.එම්.එච්.වී. අධිකාරි මහතාටත්, නාවුල ප්‍රාදේශීය කළමනාකරු එම්.බී.එන්.එස්. මූණමල්පේ මහතාටත්, සම්බන්ධීකරණ කටයුතු සිදු කළ බාහිර කථිකාචාර්ය පූජ්‍ය ගම්මහේගේවැව අමිත හිමි ඇතුළු සහාය ලබා දුන් සියලු දෙනාටත් පුරාවිද්‍යා අධ්‍යයනාංශයේ ස්තුතිය ප්‍රකාශ කරමි.
ජ්‍යෙෂ්ඨ කථිකාචාර්ය පූජ්‍ය බැරගම සද්ධානන්ද හිමි
අංශාධිපති - පුරාවිද්‍යා අධ්‍යයනාංශය
Photo Album: https://www.facebook.com/media/set/?vanity=bpusrilanka&set=a.720162326779979
 |
 |
|
|
|
 |
 |
