“අග්ගමහා පණ්ඩිත, ආචාර්ය අතිපූජ්‍ය වල්පොළ පියනන්ද ස්වාමීන්ද්‍ර ශිෂ්‍යත්ව අරමුදල”
මෙම අරමුදල පිහිටුවීම මගින්, ඇමරිකාවේ ප්‍රධාන සඞ්ඝ නායක අග්ගමහා පණ්ඩිත,
ගෞරවාර්හ වල්පොළ පියනන්දාභිධාන ස්වාමීන්ද්‍රයන් වහන්සේ
විසින් සිදුකරනු ලබන ජාතික හා ජාත්‍යන්තර ධර්ම ශාස්ත්‍රීය සේවාව ඇගයීම සහ ශ්‍රී ලංකා බෞද්ධ හා පාලි විශ්වවිද්‍යාලයේ බෞද්ධ සංස්කෘතිය විෂය හදාරන ඉහළම දක්ෂතා දක්වන විද්‍යාර්ථින් ධර්ම සන්නිවේදනය විෂයයෙහි තවදුරටත් අභිප්‍රේරණය කිරීමට ස්වර්ණ මුද්‍රිකාවක් පිරිනැමීම අරමුණු කෙරේ.
ඒ අනුව ශ්‍රී ලංකා බෞද්ධ හා පාලි විශ්වවිද්‍යාලයේ ශාස්ත්‍රවේදී (විශේෂ) උපාධි පාඨමාලාව (බෞද්ධ සංස්කෘතිය) හදාරන (සිංහල හා ඉංග්‍රීසි) විද්‍යාර්ථීන් අතරින් සමස්ත විෂය පත්‍රයන්හි ශ්‍රේණිගත අගයන්ගේ උපරිම ශ්‍රේණි ලකුණු සාමාන්‍ය ලබාගන්නා විද්‍යාර්ථියාට “අග්ගමහා පණ්ඩිත, ආචාර්ය අතිපූජ්‍ය වල්පොළ පියනන්ද ස්වාමීන්ද්‍ර ස්වර්ණ මුද්‍රිකාව” පිරිනැමේ.
අංශාධිපති
බෞද්ධ සංස්කෘතිය අධ්‍යයනාංශය
