- 2025.01.04 දින - ශාස්ත්‍රවේදී උපාධිය සම්පූර්ණ කර ඇති සිසුන් සඳහා
- 2025.01.05 දින - ශාස්ත්‍රවේදී උපාධි පරීක්ෂණ සඳහා පෙනී සිට ප්‍රතිඵල අපේක්ෂාවෙන් සිටින සිසුන් සඳහා
සුදුසුකම් සම්පූර්ණ කර ඇති අපේක්ෂකයින් එදින ම ලියාපදිංචි කර ගන්නා අතර පහත සඳහන් ලිපි ලේඛන රැගෙන පැමිණීම අනිවාර්ය බව දන්වමි. ඒ අනුව එදින පහත සඳහන් පාඨමාලා ගාස්තු ද ගෙවිය යුතු බව කාරුණිකව දන්වා සිටිමි.
01. ජාතික හැඳුනුම්පත සහ එහි ඡායා පිටපතක් / උප්පැන්න සහතිකය සහ එහි ඡායා පිටපතක්
02. ප්‍රථම උපාධිය සඳහා හදාරන ලද විෂයයන් සඳහන් විස්තරාත්මක ප්‍රතිඵල ලේඛනයේ මුල් පිටපත සහ එහි සහතික කරන ලද ඡායා පිටපතක් (අයදුම්පත සමඟ එවා ඇත්නම් පිටපත් අවශ්‍ය නොවේ)
03. සහතික කරන ලද පාස්පෝට් ප්‍රමාණයේ ඡායාරූප දෙකක් (02)
සම්පූර්ණ පාඨමාලා ගාස්තුව එකවර ගෙවීමට නොහැකි අයදුම්කරුවන්ට පාඨමාලා ගාස්තුව වාරික දෙකකින් (02) ගෙවීමට අවසර දෙනු ලැබේ. ඒ අනුව පළමු වාරිකය රු. 38000ක් වන අතර, අයඳුම්පත්‍ර ගාස්තුව ගෙවා ඇත්නම් පළමු වාරිකය රු. 37000 කි. එය ලියාපදිංචි දිනයේ දී ම ගෙවීම අනිවාර්යය වේ. ඉතිරි මුදල විභාගයට පෙනී සිටීමට පෙර ගෙවා අවසන් කළ යුතු ය.
ඒ අනුව ඉහත සඳහන් දිනයන්හී දී සම්මුඛ පරීක්ෂණ සඳහා පෙනී සිටින ලෙස දන්වා සිටිමි.
ජ්‍යෙෂ්ඨ සහකාර ලේඛකාධිකාරී
(පශ්චාද් උපාධි අධ්‍යයන පීඨය හා බාහිර විභාග මධ්‍යස්ථානය)
ලේඛකාධිකාරි වෙනුවට